Jean Bosco NTUNZWENIMANA:“Kubaka amazu ya Reta n’umwitwarariko wacu ”

Mu kiganiro kubamenyeshamakuru kuruyu wa gatatu ariko ashikiriza ivyaranguwe mu mezi atandatu aheze,umushikiranganji wo gutwara abantu n’ibintu Jean Bosco NTUNZWENIMANA amenyeshako Reta yamaze gufata umugambi wo kwiyubakira amazu yayo kandi hariho ubushikiranganji hamwe n’ibindi bisata vya Reta gushika ubu bikorera mu nyubako zayo bwite.

Jean Bosco NTUNZWENIMANA yavuze ati: “Kubaka amazu ya Reta n’umwitwarariko kugira tuve muvyo gukota,turamaze gukora ibitari bike.”

Uyo mushikiranganji ajejwe gutwara abantu n’ibintu,ibikorwa vya Reta ,ibikoresho no gutunganya amatongo avuga kandi ko hariho amadosiye ajanye no kurondeza uburyo kugira hubakwe amazu ya reta barindiriye kw’icegeranyo cavyo kibashikira.