Kayanza: Nyene ubutare bwa Coltan bwafashwe yaciriwe gupfungwa imyaka 20

Jeremie BAMPANZE nyene ubutare bwa Coltan bwafatiwe mu ntara ya Kayanza yahanishijwe igihano co gupfungwa imyaka 20 no gutanga ihadabu y’imiliyoni 15 z’amarundi na Sentare nkuru mu ntara ya Kayanza.

Urubanza rwaciwe na sentare Nkuru mu ntara ya Kayanza kuw’Imana igenekerezo rya 15 Nzero 2017,mu rubanza rw’ikibiriraho.

Jeremie BAMPANZE yagirijwe na Sentare nkuru y’intara ya Kayanza gushorera hanze , ubutare mu buryo butemewe n’amategeko.

Urwo rubanza ruciwe inyuma yaho hari abandi 12,harimwo abantarwanda 11 n’umurundi umwe,bafashwe ku munsi wa gatandatu igenekerezo rya 14 Nzeroo 2017,bagaca bacirirwa urubanza na sentare nkuru y’intara ya Kayanza.