Kenya : Abagabo babiri bagirizwa urudandazwa rw’abakobwa b’abarundikazi barumvirijwe na sentare

Abo bagabo ni Bigirimana Hassan w’umurundi, hamwe na Kasso Abdalla Ebrahim yoba ava mu bihugu vy’abarabu, bumvirijwe kur’uyu wa mbere igenekerezo rya 23 Ndamukiza 2018.

Amakuru dukesha iradiyo y’abongereza BBC, amenyesha ko abo bagabo babiri, bagirijwe kandi kuba binjije abo bigeme,mu gihugu no kugumya ivya ngombwa vyabo hatisunzwe amategeko.

Ayo makuru ya BBC, amenyesha ko,uko ari babiri bose, bahakanye ivyo bagirizwa, ariko sentare ica isaba ko umwe wese yotanga amadorare ibihumbi 10, kugira abe ararekurwa ivy’agateganyo.

Bitegekanijwe ko urwo rubanza ruzosubira kwumvirizwa kw’igenekerezo rya 5 Rusama 2018.