Kenya: Abakoresha Terefone ngendanwa bagiye gutangura gukurikiranwa

Ikigo kijejwe gukurikirana itumatumanako ry’amakuru mu gihugu ca Kenya, kimenyesha amashirahamwe akoresha amaterefone ngendanwa ko cipfuza gukurikirana telefoni z’abanywanyi bayo.

Hamwe vyokorwa , bizotuma ic kigo gishobora gukirikirana telefone ngendanwa zahamagaye, ubutumwa bugufi bwarungitswe, hamwe n’ibijanye n’ingene abantu bahanahanye amafaranga bakoresheje terefoone ngendanwa.

Naho mu binyamakuru vyo muri Kenya abatari bake batanze ivyiyumviro vyo kunegura iyo ngingo,abategetsi ba Kenya baravuga ko iryo tegeko rifise intumbero yo gukurikirana telefone ziganwa.

Iryo tegeko riraba abantu barenga imiliyoni 30 bakoresha telefone ngendanwa mu gihugu ca Kenya, rizotangura kuja mu ngiro mu ndwi izotangura kw’igenekerezo rya 20 Ruhuhuma,umwaka wa 2017.