Kenya : Donald Trump yasavye abategetsi gufata ubutunzi bw’abategetsi ba Sudani y’Epfo

Urubuga rw’ikinyamakuru Daily Nation rwo muri Kenya ruvuga ko Reta y’ico gihugu iguma inana ku gitsure ca Reta Zunze Ubumwe za Amerika isaba ko amatungo yose y’abategetsi ba Sudani y’epfo yofatwa.

Ico kinyamakuru kivuga ko abategetsi ba Kenya bavuze ko ico gihugu kizi ivyo gitegerezwa gukora bijanye n’igiturire hamwe n’inyuruzwa ry’amafaranga, kandi kiriko kirakorana n’amakungu kuri ico kibazo.

Amakuru dukesha urubuga rw ‘iradiyo y’abongereza BBC, amenyesha ko umunyamabanga wa Reta ya Kenya ajejwe imigenderanire yavuze ko bariko bakorana n’abantu batandukanye kandi ko batemera igitsure c’ibindi bihugu.

Ingingo y’ubutegetsi bwa Donald Trump ije ikurikira icegeranyo co mu mwaka wa 2016, cari casabwe na George Clooney, cagiriza umukuru w’igihugu wa Sudani y’epfo Salva Kiir, uwumugwanya Riek Machar hamwe n’abandi basirikare bo mu rwego rwa jenerare ko bigarurira amatungo mu gihe igihugu kiri mu ntambara.