Kenya : Sentare yumvirije abagirizwa kwiba amafaranga y’igisata c’urwaruka

Abo bantu bari kumwe n’abandi 30 bafatiwe hamwe, barimwo umuyobozi mukuru wa NYS, Richard Ndubai hamwe n’uwugenzura igisata c’ibibazo vy’urwaruka "Youth Affairs."

Amakuru dukesha iradiyo y’abongereza BBC, amenyesha ko abo bantu bakurikiranwa batwawe muri sentare mu miduga umunani, bari kumwe n’abayobozi b’amashirahamwe atandukanye ya terefone ngendanwa akunze kwiba abanyagihugu.

Ayo makuru nyene, amenyesha ko vyitezwe ko bishura ku vyagiriji bivuga ko batakaje imiriyoni 45.7 z’amadorare y’abanyamerika, ku miliyoni 80 z’amadorare zazimiye muri ico gisata c’urwaruka.

Bubaye ubwa kabiri haba ubusuma bw’amafaranga y’igihugu mu gisata c’urwaruka NYS muri ino myaka itatu.