Kenya:Umukuru w’igihugu yashize ahabona bamwe mu bazoja muri Reta

Umukuru w’igihugu UHURU Kenyatta yashize ahabona amazina 9,aca amenyesha ko mu minsi iri imbere ariho azoshikiriza urutonde rw’abagize Reta yose.

Abandi mu bagenywe na UHURU Kenyatta n’abayobozi bakuru b’ibisata bikuru vya Reta hamwe ‘abayobozi bakuru b’inzego zijejwe umutekano

Bamwe mu batakaje ibibanza vy’abo ni nk’umushikiranganji ajejwe ikigega ca Reta, umushikiranganji w’intwaro yo hagati mu gihugu hamwe n’umushikiranganji ajejwe kwunguruza abantu n’ibintu.

Mwomenya ko umukuru w’igihugu ca Kenya yatsinze amatora yasubiwemwo ku ncuro ya kabiri igenekerezo rya 26 Gitugutu 2017,inyuma yaho uwo bahiganwa mu matora Raila Odinga yanse ivyavuye mu matora ya mbere, avuga ko yaranzwemwo utunenge twinshi.