Accueil > Amakuru > Ubuseruko > Kenya : Umushingwamanza mukuru wa Reta yatanze imihoho
Kenya : Umushingwamanza mukuru wa Reta yatanze imihoho
mercredi 14 février 2018
Inkuru y’itanga ry’imihoho rya Prof Githu Muigai, kizigenza mu bahanura Reta ya Kenya mu bijanye n’amategeko, yamenyeshejwe n’umukuru w’igihugu Uhuru Kenyatta.
Amakuru dukesha insamirizi y’abongereza BBC, amenyesha ko mu butumwa yacishije kuri twitter, umukuru w’igihugu yavuze ko ababajwe n’uburyo budasanzwe Prof Muigai avuye mu mabanga yiwe.
Ayo makuru nyene amenyesha ko bitaramenyekana neza icatumye uwo asanzwe ari n’umwigisha muri kaminuza mu bijanye n’amategeko, yari amaze imyaka itandatu ahagarariye Reta mu vy’amategeko, atanga imihoho.
Mu minsi iheze , Prof Githu Muigai, yarumvikanye cane ashigikira Reta ya Kenya mu bibazo bitumvikanwako n’abanyakenya bose.
MUGISHA Van Naris
