Accueil > Amakuru > Mu makungu > Koreya y’Epfo : Hari icizere ko imigenderanire na Koreya ya Ruguru ishobora (...)
Koreya y’Epfo : Hari icizere ko imigenderanire na Koreya ya Ruguru ishobora kuvyuka
mardi 6 mars 2018
Amakuru dukesha urubuga rw’iradiyo y’abongereza BBC, amenyesha ko umubonano hagati y’abategetsi ba Koreya ya Ruguru n’iy’Epfo, wateguwe mu gihe c’umubonano hagati y’umukuru wa Koreya ya Ruguru Kim Jong-un n’intumwa za Koreya y’Epfo, zaheruka i Pyongyang.
Uwo mubonano utegekanya kubera mu karere ka Panmunjom katanzwemwo agahengwe, uzotuma haba icizere mu migenderanire hagati ya Koreya uko ari zibiri, eka no hagati ya Koreya ya Ruguru na Reta Zunze Ubumwe za Amerika.
Izo ntumwa zitegekanya kuja muri Reta Zunze Ubumwe za Amerika mu mpera z’iyi ndwi gushikiriza abategetsi ba Reta Zunze Ubumwe za Amerika ivyo baganiriye na Koreya ya Ruguru.
MUGISHA Van Naris
