Accueil > Amakuru > Muri Afrika > Libiya : UA rigiye gutahukana abanyafrika ibihumbi 15 batwawe (...)
Libiya : UA rigiye gutahukana abanyafrika ibihumbi 15 batwawe nk’inyagano
mercredi 6 décembre 2017
Amakuru dukesha iradiyo y’abongereza BBC amenyesha ko umwe mu barongozi bakuru b’ishirahamwe ry’Ubumwe bwa Afrika yamenyesheje ko abanyafrika barenga ibihumbi 20 bapfungiwe muri Libiya.
Uwo muyobozi Kwesi Quartey, avuga ko ikibabaje ar’uko abo bapfungiwe muri Libiya bari mu bigo vya Reta.
Iyo ngingo y’ishirahamwe ry’Ubumwe bwa Afrika UA ifashwe inyuma y’amakuru avuga ko abimukira b’Abanyafrika bagurishwa mu masoko y’abagizwe abaja mu gihugu ca Libiya.
Abanyafrika baca mu gihugu ca Libiya baharurwa mu bihumbi, benshi baba bafise icizere co gushika ku mugabane wa Buraya.
MUGISHA Van Naris
