Makamba: DPAE irahumuriza abanyagihugu ko udukoko twateye ibiterwa tutonona amagara y’abantu

Ubuyobozi bw’uburimyi n’ubworozi mu ntara ya Makamba burabeshuza amakuru avuga ko hari udukoko twateye amababi y ‘ibiterwa dufise ngaruka mbi ku magara y’abantu.

Umuyobozi w’uburimyi n’ubworozi mu ntara ya Makamba amenyesha ko utwo dukoko twibonekeza na cane cane ku mababi y’ibiterwa bifise amababi nk’ibiharage,imboga z’irengarenga n’imboga z’amashu.

Umuyobozi w’uburimyi n’ubworozi mu ntara ya Makamba arahumuriza abanyagihugu bo muri Komine ya Nyanza-Lac aho utwo dukoko twibonekeza,ko ari udukoko dusanzwe twica utundi dukoko twonona ibiterwa.

Utwo dukoko twarigeze kuboneka muri ico gice mu mwaka w’1980.