Makamba : Uwishe umwana wa mwenewabo yaciriwe umunyororo w’uguherayo

Mu rubanza rw’ikibiriraho, uwo mugabo yagirijwe ico caha yasavye abacamanza ko igihano ciwe cokurwa ku munyororo w’ubuzima bwiwe bwose, kigashirwa ku myaka 20.

Uwo mwana w’imyaka cumi n’ine yishwe atemaguwe hakoreshejwe umupanga, mw’ijoro ryo ku munsi wa kane muri komine Nyanza Lac, intara ya Makamba.

Uwo mwana yishwe n’umugabo avukana na Se wiwe, uwo mugabo nyene akaba ariwe yakomerekeje n’umupanga kandi n’uwundi mwana avukana n’uwo yishwe.