Mashandari:’’ Ivyigwa vy’inyuma y’amasaha bifitiye inyungu abanyeshuri’’

Umukuru wa Sendika y’abigisha CONAPES amenyesha ko ingingo yo guhagarika ivyigwa biba inyuma y’amasaha ategekanijwe vyagiyeho ku mwumvikano w’abavyeyi b’abanyeshuri n’abigisha,kandi ko ingaruka zo kubihagarika ziba ku banyeshuri ubwabo.

Emmanuel Mashandari yavuze ko izo nyigisho ziba inyuma y’amasaha zatanguriye ku mashuri y’akarorero, ayandi mashuri abonye inyungu birimwo aca agirisha amanama ahuza abavyeyi n’abigisha kugira nayo azishinge.

Kubwa Emmanuel Mashandari arongoye CONAPES ,amafaranga atangwa n’abavyeyi ntiyoba ikibazo kuko yashinzwe n’abavyeyi bunvikanye n’abigisha, agasaba ko imbere y’uko iyo ngingo ihagarikwa na Reta, bobanza kuraba ineza n’inyungu bifitiye abanyeshuri.

Umukuru wa Sendika CONAPES asaba abayobozi b’amashuri gukurikirana ko akazi gakorwa neza kandi kagakorwa ku neza y’abana.