Accueil > Amakuru > Ubutungane > Michel NURWEZE yimuriwe mw’ibohero rya Mpimba
Michel NURWEZE yimuriwe mw’ibohero rya Mpimba
samedi 25 Ruhuhuma 2017
Kuva kuri uno wa gatanu igenekerezo rya 24 Ruhuhuma,umwaka wa 2017, Michel NURWEZE batazira Rwembe yahora apfungiwe mw’ibohero rya Rumonge, yarimuriwe mw’ibohero rya Mpimba i Bujumbura.
Amakuru ava mw’ibohero rikuru rya Rumonge, amenyesha ko Michel NURWEZE ari kumwe n’abandi bapfungwa 5 bimuriwe mw’ibohero rya Mpimba inyuma yo kwirukanwa na bagenzi babo kuwa kane igenekerezo rya 23 Ruhuhuma,umwaka wa 2017.
Michel NURWEZE n’abandi batanu bari kumwe bagirizwa n’abagenzi babo bo mw’ibohero ryo mu Rumonge ko boba bagize uruhara mw’ihindurirwa ry’ibohero rw’abandi banyororo barimwo umukuru w’abanyororo.
Muri yegereyegere yabaye kuwa kane igenekerezo rya 23 Ruhuhuma,umwaka wa 2017, mw’ibohero rya Rumonge abanyororo babiri nibo bakomerekejwe n’amasase yarashwe n’abapolisi bariko bagerageza guhagarika yegereyegere.
IGIHE
