Miss 2017 : IRAKOZE Ladouce azofasha abakenyezi bahohoterwa

IRAKOZE Ladouce amenyesha ko mu migambi yiwe azoshira mu ngiro, azogwanya ubwoko bwose bw’ihohoterwa rikorerwa umukenyezi hamwe no gufasha abakenyezi bahuye n’ihohotezwa rifatiwe ku gitsina.

Mu gutora IRAKOZE Ladouce wandika Miss Ngozi, ukarungika ku nomero 192 ku bakoresha umuhora wa Smart. Igice ca nyuma c’ihiganwa rya Miss Burundi 2017 ni kuri uwu wa gatandatu igenekerezo rya 22 Mukakaro 2017 kuri ARENA, isaha cumi na zibiri z’umugoroba.

Kwinjira ni amafaranga ibihumbi mirongo itanu vy’amarundi.

IRAKOZE Ladouce w’imyaka 21 aserukira intara ya Ngozi asanzwe ahejeje amashure yisumbuye mu gisata c’indome za none.