Accueil > Kwidagadura > Abacuraranzi > Mkombozi yasohoye ururirimbo rwa mbere atabaza Imana
Mkombozi yasohoye ururirimbo rwa mbere atabaza Imana
lundi 9 Gitugutu 2017
"Mana Dutabare" ni ururirimbo rushasha rwaririmbwe na Thomas Nzeyimana inyuma yo gutangaza ko agiye guhindura ubutumwa bw’indirimbo ziwe. Urwo ruririmbo rwari rwitezwe na benshi na rirya uwo muririmvyi yari asanzwe afise abamukurikirana benshi.
Mkombozi n’ubu ntaja kure cane y’ubutumwa yahora atanga. Nk’uko yahora ashimikira cane ku mabi akorerwa abantu maze agasa n’uwukosora abantu muri rusangi atawe adomyeko urutoki ariko umwe wese akiyumvamwo, n’ururirimbo rushasha rurimwo ubutumwa nk’uko.
Muri "Mana Dutabare", Mkombozi na Jean Marie Muco bayirimbanye, bashizemwo umudiho wa Chorali hamwe n’umudiho wa RAP yumvikanamwo Mkombozi. Umudiho wa Rap akaba ar’umwe muyo Nzeyimana Thomas yakunda gusohoramwo indirimbo ziwe.
Umviriza aha munsi ururirimbo "Mana dutabare" rwa Mkombozi na Jean Marie Muco.
Cherif NKESHIMANA
