Muramvya: Imvura yaguye yakomerekeje abanyeshure yonona n’imirima

Abanyeshure 6 n’inzu zitari nke nivyo vyononekaye mu mvura yaguye ivanze n’umuyaga inyuma y’umutaga wo kuri uno wa gatanu igenekerezo rya 17 Ruhuhuma,umwaka wa 2017, ku mutumbawa Rugari, Komine ya Mbuye,intara ya Muramvya.

Amakuru ava mu bajejwe intwaro mu Rugari, amenyesha ko ishure nshingiro rya Rugari ryagurutse, abana 6 mu bariko bariga nabo barakomereka bahitanywe n’ibisakazo vy’ishure.

Musitanteri wa komine Mbuye Jean Berchmans Vyukusenge, avuga ko ibiterwa nk’imyumbati ,ibitoki n’ikawa vyononekaye cane,ku buryo ata gikozwe abanyagihugu bo muri ako gace bashobora kugira ingorane z’ubuzima.

Jean Berchmans Vyukusenge asaba ababishoboye kugarukira ku banyagihugu arongoye, na cane cane mukubafashisha ibijanye n’infungurwa.