Accueil > Amakuru > Ubutungane > Muyinga : Umukuru w’umugambwe Frodebu Nyakuri i Butihinda ari mu minwe (...)
Muyinga : Umukuru w’umugambwe Frodebu Nyakuri i Butihinda ari mu minwe y’igiporisi
lundi 20 novembre 2017
Amakuru ava mu ntara ya Muyinga amenyesha ko Balthazar MISAGO yahagaritswe nk’igihe c’isaha icumi n’imwe z’umugoroba ,ari mu bunywero bwitwa Ku Kayaga ,buri ku mutumba Kamaramagambo, muri komine Butihinda, intara ya Muyinga.
Mu mugambwe Sahwanya Frodebu Nyakuri baremeza ayo makuru y’ihagarikwa ry’umunywanyi wabo, ariko bakamenyesha ko bakiriko baratohoza kugira bamenye neza icatumye ahagarikwa.
Umukuru w’umugambwe Sahwanya Frodebu Nyakuri Kefa NIBIZI ati : ‘’Ayo makuru turayazi, ariko turacariko turatohoza.’’
Balthazar MISAGO ubu akaba apfungiwe mu giporisi muri komine Butihinda.
MUGISHA Van Naris
