Mwaro-Ndava :Abanyeshuri bashika 10 bakubiswe n’inkuba

Amakuru ava aho i Mwaro amenyesha ko abo banyeshuri bakubiswe n’inkuba baciye bajanwa mu bitaro vyo mu Kibimba, biri muri komine Giheta, intara ya Gitega.

Ayo makuru nyene yemeza ko bamwe muri abo banyeshuri bababaye cane, bikaba bikenewe ko bungururizwa mu bindi bitaro.

Mwomenya ko kw’igenekerezo rya 12 Nyakanga 2017 haheze iminsi mikeya gusa umwaka w’ishuri wa 2017 -2018 utanguye, kuri iryo shuri ryisumbuye abanyeshuri batandatu bakomeretse bahitanywe n’amabati igihe ishuri ryaguruka kubera imvura ivanze n’umuyaga yaguye kuri uwo munsi.