Niger: Abanyagihugu bavuye mu ngo bahunga imyuzure

Nkuko amakuru dukesha iradiyo y’abngereza BBC abimenyesha, abanyagihugu benshi ubu bimukiye mu mashuri, mu gihe hari n’abandi badafise aho baja.

Kuva mu kwezi kwa gatandatu imvura itanguye kugwa, abantu barenga 40 baramaze kwitaba Imana, amaze arasenyuka,amabarabara aracika,n’ibitungwa bitari bike birapfa.

Ayo makuru ya BBC amenyesha kandi ko mu kwezi kwa gatanu, Ishirahamwe Mpuzamakungu ONU ryaburiye abantu ribabwira ko abantu barenga ibihumbi 100 bafise ivyago vyo gusinzikazwa n’imyuzure.

Mu mwaka uheze wa 2016, imyuzure yasinzikaje abanyagihugu baharurirwa mu bihumbi, abaharurwa muri cumi nabo barapfa, cane cane mu duce turimwo ubugararwa.