Nigeria: Abantu bane bapfuye bahitanywe n’ibombe

Igipolisi mu gihugu ca Nijeriya kimenyesha ko abantu bane bitavye Imana, 18 barakomereka mu gitero ca bombe cabereye hafi y’igisagara ca Maiduguri, mu buraruko bw’igihugu .

Amakuru dukesha iradiyo y’abongereza BBC amenyesha ko ivyo bibombe vyatewe mw’ikambi y ‘abateshejwe izabo iri mu gisagara ca Maiduguri.

Abantu baba muri ako gace babwiye iradiyo y’abongereza BBC ko bumvise ibintu bitatu biturika, bibiri vyaturikiye mw’ikambi, ikindi kimwe giturikira muri karitiye yegereye ikambi iri hafi y’ahitwa Muna.

Abategetsi mu gihugu ca Nijeriya bamenyesha bibaza ko vyoba vyakozwe n’abarwanyi b’umurwi w’abihevyi b’abaIslamu Boko Haram,naho ata vyemezo biraboneka.