Nyamugigima mu gihugu c’Ubutariyano

Inyubakwa zitari nke zasambutse izindi zirononekara, harimwo n’urusengero rwa Basilika yititiriwe Benedicto mweranda ruri mu gisagara ca Norcia. Amasanamu y’imboneshakure y’igihugu c’Ubutariyano yerekana ababikira n’abapatiri bakoraniye hanze mu kibuga.

Umukuru w’akarere ka Ussika kari hafi y’aho, Marco Rinaldi, yavuze ko yabonye umwotsi uduga igihe ibintu vyose vyasenyuka iruhande yiwe.

Amakuru ava muri ako karere, nk’uko tubikesha BBC, amenyesha ko igisigara ca Amatrice, ari naco cahuye n’akaga kurusha ahandi igihe haca nyamugigima mu kwezi kw’umunani, congeye gukorwako n’iyi nyamugigima y’ubu.

Iyo nyamugigima yadutse nk’igihe c’isaha imwe n’iminota mirongo ine mu masaha yo mu Butaliyano, yaturutse mu bumanuko bushira ubuseruko bw’igisagara ca Perugia.

Yumvikanye kuva Puglisa mu bumanuko kugera Alto Adige mu buraruko.