Primus Ligue B: Imirwi Delta Star na Jeunes Atletics ishobora kuduga mu cicaro ca mbere

Ku munsi wa 13 w’ihiganwa rya primus Ligue mu cicaro ca kabiri, umurwi Delta Star watsinze umurwi Flambeau du Centre w’i Gitega, ibitsindo bitanu ku bitsindo bibiri, mu gihe umurwi Jeunes Atletics watsinze "Les elephants" igitsindo kimwe ku busa.

Inyuma y’izo nkino zo ku munsi wa 13, mu murwi A, Delta Star yaciye igira amanota 25, Flambeau du centre ya kabiri muri uwo murwi ugira amanota 22, mu gihe mu murwi B, Jeunes Athletics ufise amanota 27, umurwi wa kabiri BS Dynamik ukagira 23.

Hamwe iyo mirwi ibiri ariyo yoduga mu cicaro ca mbere, izoca isubira mu bibanza vyahoramwo umurwi wa Rusizi wahejeje ihiganwa ufise amanota 26, hamwe n’umurwi wa Muzinga wahejeje ihiganwa uri mu kibanza ca nyuma n’amanota 23.