PrimusLigueB : Umurwi Dynamic utahanye inota rimwe uca uguma mu kibanza ca mbere

Igitsindo ca mbere cabonetse mu rukino, ni igitsindo ca Muzinga cinjijwe kuri penaliti yatewe, inyuma y’aho umukinyi w’inyuma w’umurwi wa Dyanamic yari akoze k’umupira n’ukuboko.

Naho umurwi wa Muzinga wagumye werekana ko ukeneye kuzigama igitsindo wari uhejeje gutsinda, umurwi wa Dynamic nawo wahavuye wivyukiranya uca utsinda igitsindo ciza co kugombora nko k’umunota wa 80 w’urukino.

Urukino rwarangiye imirwi yose inganya igitsindo kimwe ku kindi, ibica bituma umurwi Dynamic ugumana ikibanza ca mbere mu murwi urimwo.