RDC : OMS iragabisha ko Ebola ishobora gushika mu tundi turere

Amakuru dukesha iradiyo y’abongereza BBC, amenyesha ko, Peter Salama, ajejwe gutabara mw’ishirahamwe OMS, yavuze ari mu nama i Geneve mu gihugu c’Ubuswise, ko hageze ko indwara ya Ebola yitwa ikiza.

Peter Salama, yavuze kandi ko mu minsi mike iri imbere, ariho mw’ishirahamwe mpuzamakungu ryitaho amagara y’abantu OMS, bazomenya ko Ebola ishobora gutandukira ibisagara canke ko bazobandanya bayikurikiranira hafi.

Ishirahamwe OMS, rivuga ko abantu 58 aribo banduye indwara ya Ebola, 27 nabo bitaba Imana, kuva aho ico kiza cadukiye kw’igenekerezo rya 8Rusama.