Accueil > Amakuru > Muri Afrika > RDC : UNICEF iragabisha ko abana 400000 babangamiwe n’inzara
RDC : UNICEF iragabisha ko abana 400000 babangamiwe n’inzara
mercredi 13 décembre 2017
Nkuko bivugwa na UNICEF, Kasaï idafashijwe mu maguru masha, abana bazopfa ku bwinshi bahitanywe n’inzara hamwe n’ingwara ziturutse kw’isuku rike gusumba ukwo vyari bimeze mu mwaka wa 2016.
Igisata ca UNICEF gikorera mu ntara ya Kasaï kimenyesha ko caronkejwe ibice 15% vy’uburyo gikeneye gukoresha muri 2017.
Yvès Willemot ajejwe kumenyesha amakuru muri UNICEF mu gihugu ca Congo amenyesha ko abahunze ingwano ari benshi cane bakaba babayeho mu buzima bugoye cane, aho bitaborohera kurima mu matongo yabo.
Amenyesha kandi ko ikibazo c’abatashe mu mihana yabo batagira aho bivuriza gikomeye cane aho amavuriro ashika 220 yasahuwe ayandi agasamburwa,bikazohava bitera ingwara zandukira nk’agasama n’izindi.
Pacifique BUKURU
