RUMONGE: 12 bahagaritswe bagirizwa kwimba ubutare badakurikije amategeko

Abimba ubutare badakurikije amategeko barahagaritswe kuwa kabiri igenekerezo rya 24 Nzero umwaka wa 2017 ,i Burambi ,mu ntara ya Rumonge.

Abo bahagaritswe n’igipolisi mu ntara ya Rumonge,bose hamwe ni 12 bava mu ntara za Cibitoke na Bubanza.Bahagarikiwe muri zone Maramya iri mu ntara ya Rumonge.

Abajejwe umutekano bari kumwe n’abajejwe gukingira ibidukikije muri ako karere,bamenyesha ko bahagaritswe kuko bariko bonona ibidukikije kandi bakabikora ata burengazira babifitiye.