Rayon Sports imenyerezwa n’umurundi yatahukanye ihiganwa ry’umwaka w’2016-2017

Masoudi Djuma, yigeze kuba akinira umurwi nserukiragihugu w’Uburundi atahukanye ico gikombe ari umumenyereza, mu gihe mu mwaka w’2004 yagitahukanye akinira uwo murwi.

Rayon Sports ikinamwo kandi Abarundi babiri bakomeye muri iyo higanwa ryo mu Rwanda, aribo NAHIMANA Shassir hamwe na KWIZERA Pierrot. Muri Rayon Sports hakina kandi umukinyi w’imyuma, Fiston MUNEZERO asanzwe azwi mu mirwi yo mu Burundi nka Inter Stars hamwe na Royal y’i Muramvya, ariko ubu akaba akinira umurwi nserukiragihugu w’Urwanda.

Fiston MUNEZERO yabonetse umwanya munini mu mirwi yo mu Burundi, ubu akaba akinira AMAVUBI

Umunezero wari wose ku mumenyereza Masoudi Djuma

Abakunzi ba Rayon Sports bareruye KWIZERA Pierrot, umukinyi w’umurundi akina hagati mu kibuga, kandi avyifatamwo neza cane

Umurundi NAHIMANA Shassir akina hagati kandi yinjiza ibitsindo vyinshi muri uwo murwi

KWIZERA Pierrot atanze umupira n’umutwe

NAHIMANA Shassir acenga umukinyi wa Mukura

Masoudi Djuma yereka abakinyi umukenyuro w’urukino

Masoudi Djuma ashima Imana inyuma y’iyo ntsinzi yatumye umurwi amenyereza utahukana igikombe c’ihiganwa ryo mu Rwanda