Ruyigi : Umwigisha yahagaritswe yagirizwa kwigisha gutora ’’OYA’’

Uwo mwigisha azwi kw’ izina rya Joachim NAYABAGABO yahagaritswe n’abajejwe umutekano, mu gihe yariko arigisha, aca ajanwa uwo mwanya mu gasho ka komine Bweru.

Amakuru ava mu burongozi bw’abayoboka umushingamateka RWASA Agathon, bemeza ko uwo mwigisha ari umunyanyi wabo, kandi ko ata kindi ariko arazira atari ivyiyumviro vyiwe vya poritike.

Umushingamateka Pascal BIZUMUREMYI, arongoye FNL igizwe n’abayoboka umushingamateka Agathon RWASA asaba ko Joachim NAYABAGABO arekurwa.