Sendika S.L.T.R isaba ko isoko yo kugura ibiharura umuyagankuba wakoreshejwe ihagarikwa

Mw’ikete inomero 1/S.L.TR/2018 ryo ku wa 28 Rusama 2018 iyo sendika yandikiye umuyobozi wa REGIDESO,bamenyesha ko isoko yatanzwe DNCMP/428/F/2017 irimwo utunenge twinshi kandi ritaciye mu muco.
Abo bahurikiye muri sendika S.L.T.R bavuga ko, kubera utwo tunenge, arico gituma basavye ko iryo soko rihagarikwa, ku nyungu z’ishirahamwe ritanga amatara n’amazi REGIDESO.

Abakozi bahurikiye muri sendika S.L.T.R, muri iryo kete, barangiza basaba ko hoshingwa umurwi ataho uhengamiye ujejwe kwiga neza uko iryo soko ryotunganywa.