Shimon Peres yigeze kuba umukuru w’igihugu ca Israel arwariye mu cumba c’abaremvye

Shimon Peres yahoze ari umukuru w’igihugu n’umushikiranganji wa mbere wa Isirayeli ari muri mu cumba c’indembe (Coma) kuva kuri uwu wa kabiri, inyuma y’aho basanze arwaye mu bwonko.

Shimon Peres w’imyaka 93 y’amavuko yatwawe mu bitaro kuri uwu wa kabiri, akaba arindiriye gusuzumwa mu bwonko. Ivyo bibaye mu gihe mu kwezi kwa mbere yari yatwawe mu bitaro ku ndwara y’umutima.

Umushikiranganji wa mbere wa Isirayeli, Benjamin Netanyahu yavuze ko igihugu cose gikunda Peres kandi amwipfuriza gutora mitende.

Shimon Peres yahoze ari umukuru w’igihugu n’umushikiranganji wa mbere wa Isirayeli

Peres yarongoye Isirayeli mu mabanga atandukanye harimwo kuba umushikiranganji wa mbere, umukuru w’igihugu hamwe n’umushikiranganji ajejwe imigenderanire n’amakungu.

VOA dukesha iyi nkuru ivuga ko mu mwaka w’1994 ariho yaronswa agashimwe kitiriwe Nobel, agashimwe yaronkeye hamwe na Yasser Arafat hamwe na Yitzhak Rabin, kuko bose bafashije mu biganiro vy’amahoro n’abanyepalestina i Oslo muri Norvege.