Smart Burundi yatanze akarusho gashasha k’ uguhamagarana

Umunywanyi wa Smart Burundi ashobora guhamagara ku mafaranga 99 ku munota ahamagara ku muhora wa SMART mu gihe yahora arihishwa amafaranga 125 ku munota.

Kugira bishoboke, umunywanyi asabwa gushiramwo ama inite guhera ku 500 hamwe n’ayarenga, mu nyuma agafyonda kuri *888*10# kugira avyemeze.

Mwomenya ariko ko uwutagize iyo Code ya *888*10# aca ahamagara ku mafaranga 125 ku munota, nk’uko bisanzwe.

Ako karusho ka Smart Burundi kakaba kazoherana n’igenekerezo rya 21 Ndamukiza 2017.

Smart Burundi iratanga kandi facebook na WhatsApp ku mafaranga 199 ku munsi, amafaranga 999 ku ndwi, hamwe no ku mafaranga 3499 ku kwezi.