Somariya : Abantu 15 basize ubuzima mu gitero

Umuvugizi w’umugwi w’abagwanyi ba Al-Shabab yamenyesheje ko bafashe igisagara ca Barire giherereye ku birometero 50 mu burengero bw’umugwa mukuru Mogadishio.

Uwo avugira Al-Shabaab yamenyesheje kandi ko abasirikare bagera kuri 21 ba Reta bishwe, abandi nabo barahunga.

Abajejwe intwaro muri Barire bahakanye izo nkuru, bavuga ko ata banyagihugu bapfuye ko ari abagwanyi b’uwo murwi, ariko inyuma y’aho gato bemeje ko ari abanyagihugu b’abarimyi bapfuye.

Hari haciye indwi nke abarwanyi bashika kuri 10 bapfuye mu gitero cari categuwe n’igihugu ca Somariya gifatanije n’igihugu ca Reta zunze ubumwe za Amerika muri ako gace nyene.