Sudani : Umumenyeshamakuru wa « Al-Tayar » yarekuwe

Osman Mirghani yari yabwiwe ko atanze ihadabu ingana ibihumbi 10 vy’amafaranga yaho muri Sudani angana n’amafaranga y’abanyaburaya 1260 yorekurwa, ariko we ku giti ciwe akaba yaranse gutanga ayo mafaranga, avuga ko biciye kubiri n’akarangamutima.

Amakuru ava mu gihugu ca Sudani amenyeshako Osman yarekuwe inyuma yaho sendika y’abamenyeshamakuru yo muri ico gihugu itangiye iyo hadabu.

Mu cegeranyo c’ishirahamwe ry’abamenyeshamakuru batagira imbibe co mu mwaka wa 2017, bamenyesha ko igihugu ca Sudani kiri mu bihugu ata bwigenge bwo kumenyesha amakuru buriho.