Sudani y’Epfo: Umukuru w’igihugu yakuye umukuru w’abasirikare

Paul Malong yakuwe mu mabanga yo kurongora igisirikare kuri uno wa kabiri,igenekerezo rya 9 Rusama,umwaka wa 2017, aca asubirizwa n’uwitwa James Ajong.

Paul Malong yakuwe mu mabanga mu gihe hari haheze iminsi hari abantu bitaba Imana abandi bagakmereka mu ndyane hagati y’abanyagihugu bo mu ntara ya Gogrial.

Iryo kurwa mu mabanga ry’umukuru w’igisirikare kandi rije rikurikira,abandi bategetsi mu gisirikare batanze imihoho bagiriza igisirikare nyene ko gikora ivyaha bitandukanye, harimwo n’ihonyabwoko.