Sudani y’epfo : Igisagara ca Pagak cafashwe n’abasirikare ba Reta

Amakuru ava muri Sudani y’epfo amenyesha ko abanyagihugu baharugwa mu bihumbi bahunze ako karere, aho n’abakora mu mashirahamwe ajejwe gutabara nabo nyene bavuye muri ako karere.

Bivugwa ko umugwi w’abagwanyi wa Riek Machar ugiye kugira ingaruka mbi, kuko watakaje igisagara ca Pagak, mu gihe umukuru wabo Riek Machar bivugwa ko ari mu gihugu ca Afirika y’epfo aho apfungiwe ic’amaso.

Mwomenya ko igihugu ca Sudani y’epfo cinjiye mu ndyane mu mwaka wa 2013, inyuma y’imyaka 2 kironse intahe yo kwikukira.