Turquie: Uwagiriza ubwicanyi buca ari umwaka mushasha yafashwe

Umugabo yakoze ubwicanyi buca hahimbazwa umwaka mushasha mu gisagara ca Istambul mu gihugu ca Tirikiya,yahagaritswe n’igipolisi mu gatondo ko kuri uno wa kabiri igenekerezo rya 17 Nzero 2017.

Uwo yakoze ubwo bwicanyi azwi kw’izina rya Abdukadir Masharipov ,akaba yahitanye abantu 39 bahasize ubuzima,mu gihe bari mu nzu y’ubutambiro yitwa Reina.

Ayo makuru yifatwa rya Abdukadir Masharipov yemejwe n’abamenyeshamakuru bakorera mu gihugu ca Tirikiya.Bivugwa ko yafatiwe mu karere ka Esenyurt mu gisagara ca Istanbul.

Abanyagihugu ba Israel, Tunisia, Liban, India, Ububiligi, Yordania na Arabie Saudite bari mu bishwe mu gihe abandi amajana n’amajana bakomeretse.