"Twarushijwe uburambe n’inguvu" - Daniella NIMENYA

Umumenyereza Daniella Nimenya avuga ko abakinyi bahuye ataribo bari bakiniye kuri stade Prince Louis Rwagasore i Bujumbura.

Yavuze ati : ’’Baraturushije ukumenyera inkino, bafise uburambe bunini mu rukino rw’umupira w’amaguru. Abenshi basanzwe bakinira umugwi nserukira gihugu w’abakuze.’’

Yavuze kandi ko abakinyi b’abarundikazi bakiri bato kandi ko batarakomera ngo baje ku rwego rwo hejuru.

Daniella NIMENYA,umumenyereza w’umurwi nserukiragihugu w’abigeme

Daniella Nimenya asaba ababijejwe kubafata mu mugongo na cane cane mu kugwiza inkino nyinshi za kivandimwe n’ibindi bihugu kugira ngo umugwi w’intamba mu rugamba uje ku rugero mpuzamakungu.