UPRONA : Intererano isabwa ku matora ya 2020 ntiyoba itegeko

Umunyamabanga mukuru w’umugambwe UPRONA, Olivier NKURUNZIZA amenyesha ko iciyumviro Reta y’Uburundi yafashe co guhamagarira abanyagihugu guterera kugira igihugu gitunganye ubwaco amatora ko ari umugambi mwiza ku gihugu, kuko igihugu cama gitunganya amatora uko imyaka 5 iheze kitoguma cizeye imfashanyo kugira amatora abe.

Olivier NKURUNZIZA, Umunyamabanga mukuru w’umugambwe UPRONA

Uwo munyamabanga mukuru w’umugambwe UPRONA avuga ko kubona abari basanzwe bafasha Uburundi baranse gutanga intererano yabo mu matora ya 2015, ko vyatumye igihugu gihakura icigwa co kumenya kwibako.

Olivier NKURUNZIZA asaba ko iyo ntererano y’amatora itoba itegeko, ahubwo umunyagihugu abikore ku gushaka kwiwe.