USA:Umukuru w’igihugu Donald Trump arahakana ko atari umunyamacakubiri

Ivyo yabishikirije mu gihe mu ndwi iheze yagirizwa ko yakoresheje amajambo y’amacakubiri mu nama yarimwo ijanye n’ivyokorwa ku mategeko y’abimukira.

Amakuru dukesha iradiyo y’abongereza BBC amenyesha ko,umukuru w’igihugu Donald Trump yahakanye ko atari umunyamacakubiri mw’ijoro ryo kur’uyu w’Imana buca ari ku wa mbere, mu gihe yari kumwe n’abamenyeshamakuru bakorera mu nyubakwa yitwa International Golf Club iri ahitwa West Palm Beach mu ntara ya Florida.

Mwomenya ko atari irya mbere umukuru w’igihugu yagirizwa kugira amacakubiri ,kuva yiyamamariza gutwara ico gihugu mu mwaka wa 2016 abanyagihugu batari bake bamwiyamirije bamunegura kuba agendera ku macakubiri na cane cane akumira abimukira .