Ubuganda : Umukuru w’igihugu yemeje itegeko rikuraho imyaka y’uwitoza kuba umukuru w’igihugu

Ingingo ivuga ku myaka umukuru w’igihugu c’Ubuganda adakwiye kuba arengeje, niyo yafatwa nk’iyizotera ikibazo umukuru w’igihugu Yoweri Museveni, mu gihe ikiringo ariko aratwara kizoba giheze.

Inama nshingamateka y’Ubuganda yemeje iryo bwirizwa nshingiro hakuwemwo ingingo ivuga ko umukuru w’igihugu c’Ubuganda aba atarenza imyaka 75 y’amavuko, ikiringo c’abashingamateka kikava ku myaka itanu, kikaja ku myaka indwi.

Iyo ngingo iyo iguma mw’ibwirizwa nshingiro, yari gutuma Yoweri Museveni afise imyaka 73 ubu adashobora kwitoza, ariko ubu agashobora ku zokwitoza, mu kiringo kigira indwi co kurongora Ubuganda.

Ikinyamakuru Dail Monitor camenyesheje ko umuhanuzi w’umukuru w’igihugu Yoweri MUSEVENI,Linda Nabusayi, yemeje ishirwako umukono ry’iryo tegeko.