Uburundi bwatakaje ibibanza mu bwigenge bw’ukumenyesha amakuru

Icegeranyo c’abamenyeshamakuru batagira imbibe kivuga ko Uburundi bwatakaje ibibanza bine mu bijanye n’ubwigenge bw’ukumenyesha amakuru.

Muri uwu mwaka w’2017, mu bihugu 180 vyakozweko amatohoza n’ishirahamwe ry’abamenyeshamakuru batagira imbibe, Uburundi buza mu kibanza c’160, aho akaba ari mu gihe mu mwaka w’2016, Uburundi bwari mu kibanza c’156.

Uburundi bwagiye mu kibanza kibi mu bijanye n’ukumenyeshamakuru, kuva mu mwaka w’2015, aho zimwe mu nsamirizi zigenga zaturirwa, izindi zikugarwa.

Ico cegeranyo c’abamenyeshamakuru batagira imbibe gisohotse mu gihe gushika ubu atawuzi irengero ry’umumenyeshamakuru w’umurundi Jean BIGIRIMANA yanyurujwe kuva kw’igenekerezo rya 22 Mukakaro 2016.