Uburusiya : Abana bo mw’ibarabara baserukiye Uburundi batsinze urukino rwa 1/8 gishira ica nyuma

Igice ca mbere c’urukino caheze, umurwi waserukiye Uburundi ufise igitsindo kimwe ku busa bwa Indoneziya, mu gice ca kabiri, umurwi w’Uburundi uca winjiza igitsindo ca kabiri.

Izo nkino umurwi waserukiye Uburundi witavye zikaba ziri mu rukurikirane rwo kwitegurira igikombe c’isi yose mu mupira w’amaguru kizobera mu gihugu c’Uburusiya kuva mu kwezi kuza kwa Ruheshi.

Umuyobozi w’ishirahamwe New Generation yavuze ko muri iryo higanwa, abakinyi bazoboneraho akaryo ko kuganira n’abandi kugira batorere inyishu ikibazo c’abana bo mw’ibarabara.