Uburusiya : Umukuru w’igihugu yasiguye urugero igisirikare gishitseko

Mw’ijambo ryerekana ukuntu igihugu gihagaze yashikirije imbere y’uko haba amatora y’umukuru w’igihugu, kur’uyu wa kane igenekerezo rya 1 Ntwarante 2018, Vladimir Putin, yavuze ko izo missile zishobora gutwara udutwe twinshi tw’ibirwanisho ruhonyanganda, ngo kandi ntizizibirwa.

Yavuze kandi ko Uburusiya buriko buragerageza indege nshasha itagira umudereva ishobora gutwara igisasu ruhonyanganda, ikaguruka ivuye ku bwato bugira munsi y’ukuzimu.

Yavuze ko Uburusiya bwategerezwa kugira ico bukoze mu guhiganwa n’ukwiyubaka kw’igisirikare ca Reta Zunze Ubumwe za Amerika, imbere y’uko ibirwanisho ruhonyanganda Uburusiya bwari busanganywe biba impfa gusa.

Ijambo yashikirije mu masaha abiri, ryari rihagaze ahanini ku bushobozi bw’igisirikare c’Uburusiya, kuko muri ayo masaha abiri, isaha imwe yose Vladimir Putin yayihariye guhayagiza igisirikare.