Uburusiya : abaserukira igihugu c’Ubwongereza bagiye kwirukanwa.

Umushikiranganji Sergei Lavrov,amenyesheje iyo ngingo yo kwirukana abo bongereza inyuma yaho kuri uwu wa gatatu igenekerezo rya 14 Ntwarante 2018, umushikiranganji wa mbere w’ubwongereza Therese May yirukanye abakozi 23 b’abarusiya bakekwa kuba bagize uruhara mw’itangwa ry’ubumara vyakozwe n’Uburusiya,buca bukoreshwa mu kugerageza kwica uwakoreye igendereza ry’Uburusiya n’umukobwa wiwe baba mu Bwongereza.

Ingingo y’umushikiranganji wa mbere w’ubwongereza, Therese May, yo kwirukana abo barusiya yari yafashwe inyuma yaho Reta y’Uburusiya ihakaniye gutanga insiguro z’ivyo yagirizwa imbere y’isaha zitandatu

Abarusiya baherewe ubwo burozi mu Bwongereza, ni Skripal hamwe n’umukobwa wiwe Yulia, ubu bakaba barwariye bikomeye mu bitaro bimwe vyo mu Bwongereza.