Accueil > Amakuru > Poritike > Ubuserukizi bw’Uburundi i New York bumenyesha ko uwuzotora afatiriwe (...)
Ubuserukizi bw’Uburundi i New York bumenyesha ko uwuzotora afatiriwe ashobora gutuma
mercredi 9 mai 2018
Mw’itangazo ry’ubuserukizi bw’Uburundi mw’ishirahamwe mpuzamakungu ONU, ubwo buserukizi bumenyesha ko uwutora azoba yitwaje ikarata karangamuntu n’ikarata iranga uwutora.
Ku wuzoba adafise umwanya kubera imvo z’akazi bikaba ngombwa ko atuma uwumutorera, ubuserukizi bw’Uburundi mw’ishirahamwe mpuzamakungu ONU, bumenyesha ko, ategerezwa kurungika ikarata karangamuntu yiwe n’ikarata yiwe iranga uwutora.
Ubuserukizi bw’Uburundi mw’Ishirahamwe Mpuzamakungu ONU bumenyesha ko uwuzoba atumwe gutorera uwundi, ategerezwa kuba yiyandikishirije muri ico kibanza nyene, ko ariho azotorera.
Amatora yo kwemeza canke guhaka ibwirizwa nshingiro, ategekanijwe kw’igenekerezo rya 17 Rusama 2018.
MUGISHA Van Naris
