’’Ubutegetsi burafise ububasha bwo gusaba abanyagihugu kwemeza ibwirizwa nshingiro’’

Mu kiganiro yahaye abamenyeshamakuru kur’uyu wa mbere igebekerezo rya 8 Nzero 2018, Therence NTAHIRAJA avugira ubushikiranganji bw’intwaro yo hagati mu gihugu yavuze ko,mu gihe Reta ariyo yateguye ibwirizwa nshingiro itogaruka ngo yivuguruze.

Therence NTAHIRAJA avuga ko mu kurindira ko umurwi utegura amatora CENI utanga uburenganzira ku bandi bwo gusigurira abanyagihugu ibiri mw’ibwirizwa nshingiro ryahinyanyuwe,abategetsi b’igihugu aribo bonyene bafise uburenganzira bwo kubikora.

Umwunganirizi w’umushikiranganji w’intwaro yo hagati mu gihugu akaba n’umuvugizi w’ubushikiranganji asaba abandi banyeporitike kurindira umurwi utegura amatora CENI ugatanga uburenganzira.

Mu murwi utegura amatora CENI, babicishije ku muvugizi wawo Prosper NTAHORWAMIYE, abavuga ko hatari bwagere ko, abasigura ivyahinyayuwe mw’ibwirizwa nshingiro bahamagarira abarundi gutora EGO, kuko hari ikiringo bitegekanijwemwo n’amategeko.