Ubwongereza : Abasirikare 4 bagirizwa iterabwoba bafashwe

Igisirikare c’aho mu Bwongereza kiremeza ayo makuru ko abo basirikare bafashwe kandi kikavuga ko gishigikiye ico gikorwa cakozwe n’igiporisi c’igihugu.

Umuvugizi w’igisirikare yamenyesheje ko kuri ayo matohoza yakozwe n’igiporisi ko igisirikare ata vyinshi afise yoshikiriza ku vyerekeye abo basirikare.

Amakuru atangwa n’igipolisi c’Ubwongereza avuga ko abo basirikare batawe muri yompi vyateguwe hisunzwe amakuru yatanzwe ko ata kintu na kimwe cabaye cotuma umutekano w’abanyagihugu udurumbana.

Abo basirikare bose uko ari bane bafungiwe mu gasho ko muri West Midlands, bakaba bagizwe n’uwufise imyaka 22 ava i Birmingham, uw’imyaka 32 w’i Powys, uw’imyaka 24 aturuka i pswich hamwe n’uw’imyaka 24 ava i Northampton.

Tubibutse ko umugwi "National Action" ugizwe n’abantu batipfuza ko haba ibihinduka mu gihugu c’Ubwongereza, ukaba waratewe ivyatsi n’umushikiranganji w’intwaro yo hagati Amber Rudd mu mwaka uheze.

Umunywayi canke uwushigikiye uwo mugwi ahanishwa umunyororo w’imyaka 10.