Umugambwe CNDD FDD wahimbaje imyaka itatu iheze Petero NKURUNZIZA ashizwe imbere

Ibirori vy’uguhimbaza iyo myaka itatu iheze biriko bibera mu ngoro y’umugambwe CNDD FDD ku rwego rw’igihugu, bikaba vyatangujwe n’amasengesho y’ugushikira Imana.

Ayo masengesho yitabwe n’abatwara umugambwe CNDD FDD ku rwego rwo hejuru, aho twotangurira ku mukuru w’igihugu Petero NKURUNZIZA umukuru w’inama y’inararibonye za CNDD FDD, akaba aheruka kugirwa "Imboneza yamaho" muri CNDD FDD, umunyamabanga mukuru w’uwo mugambwe ku rwego rw’igihugu, indongozi zitandukanye z’uwo mugambwe ku rwego rw’igihugu, abashikiranganji batandukanye bakomoka muri uwo mugambwe, hamwe n’abandi bashinzwe amabanga atandukanye y’igihugu, bo muri uwo mugambwe.

Ayo masengesho yatunganijwe ku civugo : Twibuke kandi dushime ivy’Imana yakoze.