Umukinyi Alexis HAKIZIMANA Kitenge yahinduye umurwi

Alexis HAKIZIMANA Kitenge yatanguye kumenyekana mu mw’ihiganwa ry’umupira w’amaguru mu Burundi ryo mu mwaka wa 2013 akinira umurwi wa Royal FC wari ufise icicaro mu ntara ya Muramvya.

Alexis HAKIZIMANA Kitenge niwe mukinyi wa mbere afise ibitsindo vyinshi mw’ihiganwa ry’umupira w’amaguru mu Burundi mu mwaka w’2017, akaba kandi amaze gukinira umurwi nserukiragihugu Intamba mu Rugamba w’abatarenza imyaka 23.

Bitegekanijwe ko Alexis HAKIZIMANA Kitenge aja gukina mw’ihiganwa ry’igihugu ca Kenya, inyuma y’inkino zitegekanijwe zo mw’ihiganwa ry’igikombe c’umukuru w’igihugu.

HAKIZIMANA Alexis KITENGE ari mu rutonde rw’abakinyi 38 b’umurwi nserukiragihugu Intamba mu Rugamba, umumenyereza Olivier NIYUNGEKO aheruka gutumako, mu ntumbero yo kwitegurira inkino zo kurondera uburenganzira bwo gukina ihiganwa rya CAN na CHAN.